ఆర్కే||కోవెల||

కుక్క కాలిడిన మాత్రాన 
కోవెల కల్మషమైపోదు 
యదలో లేని పశ్చాత్తాపం 
ఎదుట పడినప్పుడు చూపెడితే 
అస్తిత్వానికి అది సరిగ్గా అతకబోదు.

మాటలో వదిలించుకున్న మకిలీ 
మనసుని వదిలితే కదా 
భూతల స్వర్గమో ,భావనల
ఆమోదయోగ్యమో తారసిల్లేది.

అదిగో ఎవరో అక్కడ
కోవెలకు దూరంగా నిలబడి
ఆకాశాన్నిచూసే ధైర్యములేక
రొమ్ముకొట్టుకుంటూ, దేవా పాపిని
కరుణింపమని, యదపగిలి యేడుస్తూ!

ఆర్కే||కోవెల||20140717||
బుంగలు-10